முதியோர் இல்லம்

நாகரிக வளர்ச்சியின் எடுத்துக்காட்டாய் வளர்ந்து கொண்டிருக்கிறது முதியோர் இல்லங்கள்.....
நரைமுடி சேர்க்கையும், ரத்த நாளங்களின் சோர்வும், இயலாமையின் உச்சகட்டமும் ஒருசேர திணிக்கின்றது மனிதனிடம் முதுமையை !!!
தன் சக்தியினால் உருவான வாரிசுகளிடம் கையேந்தி நிற்கிறது வாழ்க்கையை கறையேறும் சக்திக்காக....!!
கைத்தடியின் பிடியில் உள்ள கைகள் விழைகின்றது பேரனின் கைகளுக்காக.....மூக்குக் கண்ணாடியினைத் தேடும் கைகள் விழைகின்றது அவை பேத்தியின் கைகளினால் கிட்டாதா என்று....!!

பொங்கும் பானைகளினாலோ, சிரிக்கும் மத்தாப்புக்களினாலோ ஈடு செய்ய முடியுமா சதை சுருங்கிய சருமங்களினால் செய்யும் ஆசீர்வாதங்களை..!!
வாழ்ந்து முடித்த அநாதைகளின் சேர்ப்பிடமே முதியோர் இல்லங்கள்...யாரும் இல்லாத அனாதைகளை விட அனைவரும் இருந்தும் அநாதைகளாக திரிக்கப்பட்டுள்ளோரின் நெஞ்சக் குமுறல்களை வடிக்க சொற்கள் இல்லை எம்மொழியிலும்...!!!!
வாழ்க்கையின் கடைசி பக்கங்களை புரட்டிக் கொண்டிருக்கின்றனர்...பொன் சொற்களினால் அவை பொறிக்கப்படாவிடினும்,

கண்ணீர் சொற்களினால் அவை பொறிக்கப்படாமல் இருப்பின்..

சில சகாப்தங்கள் சற்றே மகிழ்ச்சியுடன் நிறைவடையும் !!!!!!!!!!!!

                                                 -- நா. ஸ்ரீதர்...

“என்னவளின் வர்ணனை”

சில ஆண்டுகள் மட்டுமே இந்த பூமியில் வீற்றிருக்கும் உலக அதிசயமே !!!

தற்பெருமை அடித்துக்கொண்டிருப்பான் அங்கே பிரம்மன், உன் படைப்பிற்காக...!!

தேவதைகளைக் கண்டதில்லை....இனி காணவும் இச்சம் இல்லை......!!

தென்றல் வருடுதலுக்கு இசையும் தென்னையின் நுனி போல் இசைகிறது உன் இடை...!!

மலை உச்சியிலிருந்து காணப்படும் நீரோடை வடிவம் கொண்ட உன் கேசம்...

அதில் வரும் சுவாசம்...!!!!

நல்ல வேளை நீ ஆதி காலத்தில் பிறக்கவில்லை....

பிறந்திருப்பின்.....

வள்ளுவன் திருக்குறளை தவிர்த்திருப்பான்....

கம்பன் சீதைக்கு பதில் உன்னை வர்ணித்திருப்பான்.....

சங்க காலத்து புலவர்களுக்கு கவிதைத் தலைப்பாகிருப்பாய்....!!!!!!!!

நீ ஏற்றிவைக்கும் சுடரை ஏந்த காத்திருக்கிறது என் வீட்டு குத்து விளக்கு !!!!

தியான வகுப்பிற்குச் சென்றேன்...

நெற்றியில் இஷ்ட தெய்வத்தை நிறுத்தச் சொன்னர்...

என் தேவதை உன்னை மட்டுமே என்னால் நிறுத்த இயன்றது.......!!!!!!!

ஒரு தலையாய் உன்னை காதலிக்கவே புண்ணியம் செய்திருத்தல் வேண்டும்...

உன்னால் நான் காதலிக்கப்பட்டால் ???? சொல்வதற்குச் சொல் இல்லை என்னிடம்.....!!!!!

என் மனதில் உள்ள வர்ணனைகளைத் தொகுத்துள்ளேன்....

இவை மற்றவர்களுக்கு உன் அழகினை, என் காதலைத் தெரிவிக்க....

இதனால் உனக்கு என்மேல் காதல் ஏற்படுமாயின், அது என் எழுத்துக்களைச் சார்ந்த்து....

என் காதலை நீ காதலிக்க வேண்டி காத்திருக்கிறேன்....!!!!!!!

                                                                                                               

                                                                                    நா.ஸ்ரீதர்...

மன அமைதி

                         

 வாழ்கையின் அனைத்து பரிமாணங்களிலும் மனிதனை வழிநடத்திச் செல்லும் அகல்விளக்கு வெளிச்சம் தான் மனம்...!!!

மாய உலகை தன் திரையில் படமாக்கி மெய்யாக்க விரும்பும் வினோதமான விலங்கினம் மனம்...!!!

காதலில் மாயம்,அன்பில் மாயம், நட்பில் மாயம், உறவில் மாயம், வெற்றியில் மாயம், தோல்வியில் மாயம்...அனைத்திலும் மாயம்......!!!

ஆத்திகத்தை ஆதரிப்பதா...இல்லை நாத்திகத்தை நாடுவதா.....

ஆத்திகத்தை ஆதரிக்க ஆதாரம் இல்லை....

நாத்திகத்தை நாடுவதில் நன்மை இல்லை...!!!!!

அடுத்த நொடி, அடுத்த நிமிடம்,அடுத்த நாள் அனைத்தும் மாயம்......!!!

என் பாதச் சுவடுகளை பதித்துக் கொண்டிருக்கும் வாழ்கையின் வழித்தடமும் ஒரு மாயமே...!!!

இப்படி மாயங்களின் சேர்க்கையால் சலனத்தின் உச்சத்தில் உள்ளது மனம்...

அந்த மனத்தின் அமைதியை நோக்கி நானும் சென்று கொண்டுள்ளேன்.....!!!!!!!!

                                                   நா.ஸ்ரீதர்..

IT இளைஞன்

                  

கூண்டுக்கிளி அகப்பட்டிருப்பினும் இயற்கையுடன் உறவாடிக்கொண்டிருக்கும்....

என் இளைஞனோ குளிர்சாதனக் கூண்டில் உலகறியாது உழைக்கின்றான் !!!

முதலிரவு முடிந்த கையோடு மூட்டைகட்ட முனைகிறான் கணவன்,

தன் தாய்நாட்டைக் காப்பதற்காக அல்ல, தன்னை அயல்நாட்டவனிடம் அடமானம் வைக்க.!!!

கிராம் எடை போட்டு உணவு கொடுக்கும் கேன்டீனில் நின்று ஏங்குகிறான்,

கை நிறைய, பை நிறைய பணம் இருந்து என பயன்

தன் அன்னையின் பாசமிகு கையினால் ஒரு வாய்ச் சோறு கிடைக்காதா என்று ...!!! L 

வளரும் வயதில் வயலில் இருந்தான் தகப்பன்..

ஏங்குகிறான் என் இளைஞன் , தற்பொழுது வெள்ளி நிற மயிருடன் தன் தந்தை ஓய்வெடுப்பதை ரசிக்க..!!!

கட்டபொம்மனாக வாழ வேண்டிய என் இளைஞன், இன்று பல சூழ்நிலைகளில்,  ஊமைத்துரையாக மாறுகிறான்..:-(

ஏழையின் சிரிப்பு, மனைவியின் வெட்கம், குழந்தையின் மழலை...

இவை அனைத்தும் ஒருசேர காணலாம், வெள்ளி மாலை ஊர் செல்ல இருக்கும் என் உற்சாகத் தோழனிடம் !!!!

          அன்று,

          மகிழ்ச்சியுடன் கஞ்சி குடித்தனர்....

          இன்று ,

          வெறுமையுடன் நெற்சோறு உண்கின்றனர்..!!!!

         காலம் திரும்பாது .................

        இழந்தவை மீட்கப்படாது......

        விழிதுக்கொள் என் இளைஞனே...!!!!

வாழ்க்கையை பணத்திடம் விற்றுக் கொண்டிருக்கிறாய்....

வாழக் கற்றுக் கொள் ...!!!!!!!!!!!!!!!!

                                              

நா.ஸ்ரீதர்

                            ..

                                            அவளின் மௌனம்

பின்லேடனை பின் தங்கவைத்த வன்முறைக்காரியே...

தினம் தினம் மௌனம் எனும் கத்தியால் என்னை கிழிக்கின்றாய் !!!

மனக்கோட்டையில் ராஜாவாக வாழ்கிறேன் ...

காத்திருக்கிறேன் கோட்டையில் என் ராணி உன் பிரவேசத்திற்காக...!!!

புரியாத மழலையிடம் மழைவெள்ளம் போல் பேசுகிறாய்...

உன் பார்வைதனில் பிறவிப்பயன்  எய்தும் இந்த மழலைக்கு உன் கடைக்கண் பார்வை கூடக்கிடையாதா...!!!

     புத்தனுக்கு போதி மரம்......

     இந்தப் பித்தனுக்கு ஏது மரம்..!!!!

முனிவரின் தவத்தையும் கலைக்க வழி இருக்க, வழி இல்லையோ என்னவளின் மௌனத்தைக் கலைக்க !!!!

மனித நேயம் இல்லாத மாதவியே..............

பயிற்சி பெறாமல் தேர்ச்சிப் பெற்ற நடிகை நீ.......

உன் கையில் என் உயிர் இருப்பது தெரிந்தும் இன்னும் உன் நாடகத்தை அரங்கேற்றிக் கொண்டிருக்கிறாய்......

ஏக்கத்தினும் ஒரு சுகம் உள்ளது....

காத்திருக்கிறேன் அச்சுகத்தோடு....

உன் மௌனத்தைக் கலைத்து, என் ஏக்கத்தைத் தணித்து , உயிரற்றவனான என்னை உயிர்ப்பித்துவிடு என்னவளே !!!!!!!!!!!

                           நா.ஸ்ரீதர்

வறுமை(நிறம் சிவப்பு)

                         

உலகம் எனும் நாடக மேடையில் சில மாந்தர்கள் மலிவு விலையில் நடித்துக் கொண்டிருக்க காரணம் நீ......

வயிற்றைச் சுட்டெரித்தாலும் மனத்தில் கொள்கைத் தீயுடன் உன்னை வென்று வந்தோர் பலர்.....சரித்திரத்தைப் புரட்டிப் பார்......

காகித தாள்களால் நிர்ணயித்து ஒருவனிடம் உன்னைச் சேர்க்கும் இச்சமூகத்தை நான் பழிக்கின்றேன்.........

திறமைகள் இருப்பினும் அவற்றை உன் பசிக்கு காவு வாங்கிக்கொள்ளும் கொடிய நோய் நீ........

வறுமையுடையோருக்கு சுகாதாரக் குடிநீர் வழங்குவது கூட தேர்தல் அறிக்கையாகி உள்ளது....:-(

தொப்புள்கொடி அறுத்து வெளிவரும் சிசுக்கள் சிலவற்றுக்குத் தன் பிறப்புரிமை மறுக்கப்படுவது உன்னால்.....

இப்படை ஒன்று சேருமாயின் சரித்திரங்கள் மாற்றப்படும்......

மாற்றப்பட்டுள்ளது.........

சில சரித்திரங்கள் மாற்றப்படாதா என காத்திருக்கும் ஓர் இளைஞன்......

                                           நா.ஸ்ரீதர்..

                  எழடா மானிடா !!

கலங்கரை வெளிச்சம் நோக்கிச் செல்லும்

கப்பல் போல் ,

கல்லரை செல்லும் வரை லட்சியத்தை நோக்கிச் செல்......

ஒன்பது மாத இருள் வாசம் தாளாமல் கருவறையைப்  பிளந்து இப்பூமிக்கு தன்னை யார் என்று காட்டிக்கொள்ளும் சிசுவின் நம்பிக்கையைப்  பார்......

தேய்ந்த போதும் அழிந்து விடமாட்டேன் என்று மீண்டும் மீண்டும் வளரும் மதியைப்  பார்.....

நரைமுடி வந்தேனும் பிற மாந்தர் பசி போக்க பயிர் செய்யும் கிழவனின் மன உறுதியைப் பார்.....

எத்துனை இன்னல்கள் வந்தபோதும் தன்னிலை மாறா பிரம்மாண்டத்தை விளக்கும் கம்பீரமான மலைகளைப் பார்....

இன்னும் ஏன் துவண்டுள்ளாய் .......

எழடா மானிடா....

ஐந்தறிவு மக்கட் கூட தான் இந்த பிரபஞ்சத்தில் வீற்றிருப்பது  மடிவதற்காக அல்ல என்று நினைத்து போராடும் போது ,

என் தோழனே நீ வீழ்வதற்காக வரவில்லை...

வாழ்வதற்காக....வாழ்விப்பதற்க்காக....

நம்பிக்கை எனும் மருந்தை மனம் எனும் உன் நண்பனுக்குக் கொடு.....

வீறு கொண்டு எழு....

வாழ்க்கையைப் போற்று....

தடைகளை உடை...

லட்சியத்தை அடை....

முழு மனிதனாய் விளங்கு என் அருமை தோழனே...!!!

                                       நா. ஸ்ரீதர்....